تذاكِر ذكرى م المشاوير.. شعر: أسماء كامل

حبِّة تَذَاكِر ورق. بقايا لذكرى من مشاوير وجرى وسعى ع الفاضى وأعمارنا اللى فيه بتطيرورامية حمولها ع القاضىوماشيين فيها بالجُملةبنتصبَّح بكام جُملة على عُملة من الورق بايشة وكف العمر كله شقوق وأيامه ماهيش عايشة سنين طايشة.. بتبنى فوق جذور الروح كبارى من الندم والذلوترمى فوق سنينَّا حطام يغرّق سعينا فى المُر وعادى.. يفوت برضه الزمن ويمُروفيه الخطوة زرعانا وخلعانا من الشكوى رمت فى نفوسنا كتلِة صبروملفوفة بـ ١٠٠ فجوة ومشحونة بلامبالاه محدش عنده طاقة يقومويصرخ تانى على ليلاه بقت معاناه..سنينها اتغلِّفت بالخوف ولا بنسمع ولا بنشوف وكل الغُلب متوقَّع وأحزاننَّا بقت واقِع وأوقَع م اللى نحلم بيهوفى إيه تانى هانخبِّيه! وهيّ الأزمة مكشوفة وآخرتهـا ومعروفةإيدين مابقتش مكسوفة تمدلنا بواقى الظلم ورافعة فـ راية العافية وفـ العافية ترُش السِّم بقينا نلِم.. فى أيّامنا من الطوابيرونسعى ونجرى ونلَملِم